Şaban Donat: "Onların hər birinə ümidimiz böyükdür"

16:08 16-08-2017
Şaban Donat: "Onların hər birinə ümidimiz böyükdür"

SM: Avqustun 21-dən 26-dək Fransanın paytaxtı Paris şəhərində güləş üzrə dünya çempionatı keçiriləcək.

Yığma komandaların Olimpiya Güləş Mərkəzində baş tutan mətbuat üçün açıq məşqində Azərbaycan Güləş Federasiyasının vitse-prezidentləri Elçin Cəfərov və Namiq Abdullayevin iştirakı ilə dünya çempionatına yollanacaq komandaların heyəti açıqlanıb.

Daha sonra mətbuat nümayəndələri üçün brifinq keçirilib.

Yunan-Roma güləşi üzrə yığma komandanın baş məşqçisi Şaban Donat yaxşı hazırlaşdıqlarını və hər bir idmançıdan medal gözlədiklərini bildirib:

“Uzun illərdir birlikdə çalışdığımız idmançılara güvənmişik. Heyətdə dünya və Avropa çempionları yer alıb. Onların hər birinə ümidimiz böyükdür. Hər çəkidə medal gözləyirik. Ümumiyyətlə, bu gün Azərbaycan güləşçiləri dünyada ilk sıralarda mövqe tutublar. Çox yaxşı hazırlaşmışıq. Hədəfimiz hər zaman olduğu kimi uğurlu çıxışımızla azarkeşləri sevindirməkdir.”


.
.
.
0.33270716667175