Simeone Şehiçi təriflədi: Əla müdafiə olunurdular

11:47 01-11-2017
Simeone Şehiçi təriflədi: Əla müdafiə olunurdular

“Bəhanələrə sığınmaq istəmirəm. Oyuna pis başlamamışdıq. Rəqibə zərbə vura bilərdik, amma dəqiqlik çatmadı. Əvəzində isə onlar fərqləndilər”.
Sportmedia.az xəbər verir ki, bu sözləri “Atletiko”nun baş məşqçisi Dieqo Simeone deyib.
Çempionlar Liqasının qrup mərhələsinin IV tur matçında “Qarabağ”la 1:1 hesablı heç-heçə edən Madrid təmsilçisinin çalışdırıcısı fikirlərini bölüşüb.
Argentinalı çalışdırıcı gərgin oyun olduğunu vurğulayıb: “İkinci hissədə təlaşı və əsəbi idik. Rəqib əla müdafiə olunurdu. Çox yaxşı qapıçıları var. Nəticə istədiyimiz kimi deyil və çox çətin vəziyyətə düşdük. “Roma”ya qarşı daha yaxşı olmağa çalışacağıq. O matçın nəticəsinə görə bəlli olacaq taleyimiz. Biz həmişə eyni cür oynamışıq, əvvəllər bu, alınırdı, indi alınmır. Əgər siz xal qazanırsınızsa, hamı gücünzdən danışır. Nəticə yoxdusa, insanların fikri dəyişir”(apasport.az).


.
.
.
0.31654906272888