Di Françesko Əfran İsmayılovdan danışdı

11:52 08-12-2017
Di Françesko Əfran İsmayılovdan danışdı

“Qarabağ”la oyunda rəqib komanda start heyətində dəyişiklik etdi. İlk "11-liy"ə oyun üslubuna bələd olmadığımız Əfran İsmayılov daxil edildi".
Sportmedia.az xəbər verir ki, bunu İtaliyanın "Roma" komandasının baş məşqçisi Eusebio Di Françesko Çempionlar Liqasının qrup mərhələsinin son tur qarşılaşması barədə danışarkən deyib. O, bildirib ki, "Qarabağ"ı 1:0 hesabı ilə məğlub etdikləri oyundan əvvəl Alessandro Florentsi və Aleksandar Kolarova İsmayılovu izləməyi tapşırıb: "Əfranın oyununu bir neçə dəqiqə ərzində Florentsi və Kolarova göstərdim. Oyun qaydalarımız yox, yalnız bizə köməyi dəyə biləcək xırda məqamlar rəqibə görə dəyişir. Rəqibin heyəti ilə bir qədər gec tanış olursan, amma bu, vacibdir. Rəqibin bizə qarşı hansı heyətlə oynayacağını bilməliyik".
Qeyd edək ki, Əfran İsmayılov "Roma" ilə səfər qarşılaşmasında 76 dəqiqə meydanda olub. O, Çempionlar Liqasının qrup mərhələsində ilk dəfə start heyətində çıxış edib.


.
.
.
0.42772507667542