Hannes Halldorsson: "Bu, karyeramın ən parlaq anlarından biri idi"

17:17 13-08-2018
Hannes Halldorsson: "Bu, karyeramın ən parlaq anlarından biri idi"

"Penalti seriyası həmişə lotereyadır, lakin rəqibin planını oxumaq və onun qol vurmasının qarşısını almaq lazımdır".
Sportmedia.az xəbər verir ki, bunu "Qarabağ" klubunun və İslandiya milli komandasının qapıçısı Hannes Halldorsson "Presbol"a müsahibəsində deyib. 34 yaşlı qolkiper Rusiyada keçirilmiş dünya çempionatında Argentina ilə oyun zamanı Lionel Messinin penaltisini dəf etdiyi anı xatırlayıb: "Bu, karyeramın ən parlaq anlarından biri idi. İndi isə bu epizod barədə çox düşünmürəm. Amma getdiyim yerlərdə insanlar bunu xatırladırlar. Penalti təyin olunanda heç vaxt təzyiq hiss etmirəm".
İslandiya millsinin üzvü vurğulayıb ki, Belarusda BATE ilə Çempionlar Liqasının III təsnifat mərhələsinin cavab oyunu penaltilər seriyasınadək davam etsə, zərbələri dəf etməyə hazır olacaq.
Qeyd edək ki, avqustun 14-də "Borisov Arena"da keçiriləcək görüş Bakı vaxtı ilə saat 21:00-da başlanacaq. Bu komandalar arasındakı ilk oyun Belarus klubunun 1:0 hesablı qələbəsi ilə başa çatıb.


.
.
.
0.6261088848114