“Sumqayıt” FK “Sabah”la oyunun hazırlıqlarını davam etdirir

16:53 16-10-2018
“Sumqayıt” FK “Sabah”la oyunun hazırlıqlarını davam etdirir

Azərbaycan Premyer Liqasının 8-ci turu çərçivəsində “Sabah”la qarşılaşacaq olan “Sumqayıt” Futbol Klubu hazırlıqlarını davam etdirir.
Sportmedia.az xəbər verir ki, komandanınbaş məşqçi Nazim Süleymanovun rəhbərliyi altında bu gün saat 11:00-da növbəti məşqini keçirib. U-21 millinin toplanışında olan Süleyman Əhmədov, Yusif Nəbiyev və Süleyman Süleymanov hazırlıq prosesində iştirak etməyib. Yüngül zədəsi olan Şəhriyar Əliyev və Elvin Məmmədov fitness zalında fərdi məşqlə, Əfran İsmayılov isə meydançada yüngül qaçışla kifayətlənib. 1.5 saat davam edən hazırlıq prosesində topla müxtəlif hərəkətlər və taktiki gedişlər üzərində çalışılıb. Məşqə ikitərəfli oyunla yekun vurulub.
Qeyd edək ki, “Sumqayıt” – “Sabah” qarşılaşması 21 oktyabr, saat 17:00-da “Dalğa Arena”da keçiriləcək. Qarşılaşma CBC Sport telekanalı ilə canlı yayımlanacaq.


.
.
.
0.36958193778992