"Qarabağ"ın qapıçısı avtomobil qəzası törədib - klubdan rəsmi açıqlama

13:18 19-10-2018
"Qarabağ"ın qapıçısı avtomobil qəzası törədib - klubdan rəsmi açıqlama

Dünən “Qarabağ”ın qapıçısı Hannes Tor Halldorsson avtomobil qəzası törədib.
Sportmedia.az xəbər verir ki, islandiyalı qolkiper idarə etdiyi maşınla piyadanı vurub.
“Qarabağ” klubu yaşanan hadisə ilə bağlı açıqlama verib:

Dünən axşam saatlarında "Qarabağ"ımızın qapıçısı Hannes Tor Halldorsson evinə yollanarkən, yol nəqliyyat hadisəsi baş verib. Belə ki, qolkiperimiz idarə etdiyi avtomobillə piyadalar üçün nəzərdə tutulmayan yerdən yolu keçməyə çalışan 1955-ci il təvəllüdlü Eyvazov Namiq Əbdüləzim oğlunu vurub. Halldorsson yaralıya ilkin tibbi yardım göstərərək xəstəxanaya çatdırıb və bu barədə hüquq mühafizə orqanlarına məlumat verib. Hüquq mühafizə orqanları tərəfindən müvafiq prosedurlar tamamlandıqdan sonra qapıçımız evinə yollanıb. Yaralı ciddi xəsarət almayıb, sadəcə sağ diz qapağında sürüşmə olub, həkimlər anında müdaxilə eləyib və yaxın günlərdə evinə buraxılacağı gözlənilir.
"Qarabağ" Futbol Klubu yaşanmış hadisədən təəssüf hissi keçirir və zərərçəkmişin tezliklə sağalmasını diləyir.”


.
.
.
0.48279285430908