“Keşlə” antirekord seriyasını qırdı

17:06 22-10-2018
“Keşlə” antirekord seriyasını qırdı

“Keşlə”nin Azərbaycan Premyer Liqasındakı qələbəsiz oyunlar seriyası qırılıb.
Sportmedia.az xəbər verir ki, paytaxt təmsilçisi mövsümdə ilk 3 xalı VIII turun “Zirə”ylə qarşılaşmasında əldə edib – 1:0. Ardıcıl 6 oyunda qalib gələ bilməyən “Keşlə” sonuncu dəfə ötən mövsüm qələbə qazanmışdı. Mayın 20-də səfərdə “Səbail”i 1:0 hesabı ilə məğlub edən komanda növbəti uğurunu 154 gün gözləyib.

Bununla da “Keşlə”nin ölkə çempionatları tarixindəki antirekord start seriyası qırılıb. Bakılılar 1999-cu ildə debüt etdiyi yarışda heç vaxt ilk qələbəsini belə gec qazanmamışdı.

Qeyd edək ki, “Keşlə”nin tarixində ümumilikdə ən uzun qələbəsiz oyunlar seriyası 11-ə bərabərdir. Bu, ötən mövsümün gedişində qeydə alınıb.


.
.
.
0.5965518951416